Pasi gjykata e Pogradecit ka lënë në burg autorin e vrasjes së Egli Progës, Denic Meçen dhe ka caktuar detyrim paraqitje për tre personat e tjerë, kanë reaguar të afërmit e tij për mediat.
Pas motrës së tij ka reaguar edhe i afërmi i 42-vjeçarit i cili thotë se këta kriminela njihen në qytetin e Pogradecit për gjobëvënie.
Ai i bëri thirrje mediave të bëjnë të pamundurën, që të zbardhet e vërteta lidhur me vrasjen e Egli Progës.
“Gjithçka pritet nga këta kriminela. Në qytetin e Pogradecit këta njihen shumë mirë për gjobvënie, jam pa fjalë. Nuk di çfarë të them. Dua që drejtësia të vihet në vend. Ju lutem mediat të bëjnë të pamundurën, të zbardhin të vërtetën ose nuk e di çtë them. Këta janë kriminela të gjithë në bashkëpunim,” tha ai.
