Ministrja e Shëndetësisë Albana Koçiu, në një prononcim të shkurtër për mediat ka folur lidhur me shkarkimin e Albana Ficos nga drejtimi i QSUT. Ajo tha se shkarkimi i Ficos nuk ka lidhje me problemin e Urgjencës së QSUT.
“Lirimi i Albana Ficos nga detyra nuk ka lidhje me urgjencën. Sjellim energji të reja për projektet në vazhdim”-tha ministrja.
Koçiu mbërriti në ambientet e QSUT për të prezantuar para shefave të shërbimit drejtoren e re, Alma Canin.
“Drejtorja e re e QSUT në rend të parë do të ketë vënien në funksion të plotë të urgjencës së sëmundjeve të brendshme”-shtoi ajo.
Ndër të tjera ministrja u shpreh se puna në urgjencën e QSUT vazhdon normalisht dhe se po punohet ende në pjesën kur ra zjarri.
