Kanë kaluar vetëm 4 muaj nga fillimi i vitit dhe 2016 ka qenë pothuajse një vit “ i zi”.
Themi një vit i zi sepse shumë të famshëm kanë humbur jetën në këto muaj.
Po e fillojmë që me from David Bowie në javën e dytë të Janarit, më pas aktori Alan Rickman një javë më vonë, komediania e njohur Victoria Wood dhe së fundmi por absolutisht jo më pak i rëndësishmi Prince, vdekja e të cilit ndodhi në 21 prill në moshën 57 vjecare.
Vlen për tu theksuar që Victoria Wood inspiroi një gjeneratë të tërë femrash me daljen e saj në skenë dhe në televizion për një kohë të gjatë.
“Mjaft 2016”.
Pra, a është kjo valë e vdekjeve të njerëzve të të famshmëve dicka normale?
Përgjigja është po, sipas nekrologjisë së BBC-së, Nick Serpell, i cili di goxha në lidhje me gjëra të tilla.
Ai thotë që numri i vdekjeve simbolike këtë vit ka qenë fenomenal.
Duke i hedhur një sy tabelës së mëposhtme, përgatitur nga BBC, dallohet që ka një trend në rritje. Nick përgatit statistika për televizionin, radion dhe online dhe ka dalë në përfundimin se numri i vdekjeve ka ardhur duke u rritur nga viti në vit.
Në Britani të Madhe, Daily Telegraph ka një galeri të njerëzve të famshëm që kanë vdekur dhe e përditëson atë gjatë gjithë vitit. Deri në këtë kohë, në vitin 2014, numri në galeri ishte 38. Në këtë kohë të vitit të kaluar, numri i njerëzve në galeri ishte 30. Këtë vit, numri është tashmë 75.
E gjithë kjo të çon tek pyetja: Pse kanë ndodhur këto vdekje ?
Ka disa arsye, thotë Nick Serpell.
“Njerëzit të cilët filluan duke u bërë të njohur në vitin 1960 tani po hyjnë në të 70 e tyre dhe janë më pranë vdekjes”, thotë ai.
“Ka më shumë njerëz të famshëm sot sesa më përpara”, thotë ai. “Në kohën e babait tim apo brezit të gjyshit tim, të vetmit njerëz të famshëm me të vërtetë ishin ata që shihnim nga kinemaja”.
“Pastaj, në qoftë se dikush nuk shfaqej në TV, ata nuk ishin të famshëm.”
Le të përmendim dhe njëherë moshën e njerëzve më të famshëm që ndërruan jetë këto katër muaj:
Prince në moshën 57 vjecare, Alan Rickman në moshën 69 vjecare, David Bowie në moshën 69 vjecare dhe Victoria Wood në moshën 62 vjecare.
Burimi: BBC/ Përshtati: Adela Zeneli
Opinion.al
