Kreu i Partisë Demokratike, Sali Berisha ishte mbrëmjen e sotme në emisionin ‘Opinion’ në TV Klan. E teksa tre ditë na ndajnë nga data e zgjedhjeve, Berisha së bashku me ekipin e tij shpalosën programin e tyre para shqiptarëve.
Në programin e gjatë të prezantuar nga PD-ja, dy janë shtyllat kryesore mbi të cilat bazohen edhe premtimet e demokratëve.
“Programi ynë bazohet në këtë parim: Kthimi i parave te qytetarët. Ndaj kemi shpallur minimumin jetik 200 euro për çdo shqiptarë, pensioni minimal 200 euro, rroga minimale 500 euro, rroga mesatare 1250 euro dhe rroga e mësuesit 1500 euro. Kjo ishte shtylla e parë.
Ndërsa pika e dytë. Të gjithë ata që marrin pension dhe rroga të ulëta, do të kenë 20% zbritje, do të marrin TVSH-në mbrapsh për të gjitha gjërat e shportës bazë.
Tre. Për sa i përket shëndetësisë në Shqipëri. Instituti i statistikave deklaroi që shqptarët shpenzojnë 820 milion euro në vit për kujdes shëndetësor nga xhepi i tyre. Ne do të marrim listën e rimbursimit që ka Italia dhe do ta rimbursojmë 100% për qytetarët tanë. Kjo do të kushtojë patjetër, por nuk do të nxirren nga xhepi 820 milion. Bisznesi i vogël energjinë elektrike do ta paguaj 6 lekë, jo 18 lekë; hapësirën publike do ta pajuar 120, jo 150 lekë; tarifat e ujit do t’i paguaj me gjysmë çmimi. Do të thjeshtohet të gjitha procedurat burokratike. Fermeri do të ketë 5-fish subvencione”, tha Berisha.
Ndërsa pyetjes se si Partia Demokratike do t’i bind të rinj që të mos largohen jashtë vendit, Berisha ju përgjigj kështu:
“Fëmija i parë me bonus 70 euro, fëmija i dytë me bonus 60 euro, fëmija i tretë paguhet nga lindja deri në moshën 23 vjeç tërësisht nga shteti dhe i katërti njëlloj. Përveç kësaj zero anafalbetizëm. Anafalbetizmi po rritet me një mënyrë të frikshme në Shqipëri. Arsimi i mesëm i detyrueshëm. Shkolla do të ketë partneritet të plotë me sipërmarrjen”, u shpreh kreu i PD-së.
