Me anë të një statusi në Twitter, zëvendëskryeministri Erion Braçe ka thënë se opozita po i djeg mandatet tani pasi nuk ka çfarë t’i bëjë më reformës në drejtësi.
“Pse digjen tani? Sepse nuk i bëjnë më dot asgjë reformës në drejtësi. As SPAK, as BKH, as Gjykata Kushtetuese dhe as Gjykata e Lartë, të gjitha në punë shumë shpejt. Mekanizmi kushtetues çmonton bllokimin nga Kuvendi. Të parëndësishëm shumë shpejt”, shkruan Erion Braçe.
Më tej, vijon në Instagram duke thënë se: “Arsye e fortë apo jo?! Vetedjegia buron nga deshperimi i madh! Arsyeja eshte #ReformaPerpara pa pyetur per bllokimin me tym e flake, hekur e beton, vote e bojkot prej tyre!”
Mazhoranca ka konfirmuar se nuk do të ndikohet nga vendimi i demokratëve. Kjo u tha që dje nga Ministrja e Shtetit për Marrëdhëniet me Parlamentin Elisa Spiropali dhe vazhdimisht gjatë ditës së sotme nga vetë kryeministri Rama e tashmë edhe nga zëvendëskryeministri Erion Braçe.
