Nuk ka asgjë më të keqe se të blesh një smartphone krejt të ri dhe ndërkohë të shohësh se si brenda 1-2 vitesh bateria sa vjen dhe tkurret.
Mirëpo si mund ta ndaloni që kjo të ndodhë? Ka shumë këshilla dhe truke që qarkullojnë, por një prej tyre mund të jetë paksa befasuese, sepse bie ndesh me atë që shumë prej nesh bëjnë.
Kjo është e drejtë, një ekspert thotë se nëse dëshironi të zgjasni jetëgjatësinë e baterisë, nuk duhet të karikoni kurrë telefonin tuaj gjatë natës.
“Shumica e telefonave inteligjentë të gjeneratës së re do të marrin diku nga 30 minuta deri në dy orë për t’u karikuar plotësisht,” tha Ritesh Chugh, një profesor i asociuar në Teknologjinë e Informacionit dhe Komunikimit në Australia. ‘[Prandaj], karikimi i telefonit gjatë natës jo vetëm është vetëm i panevojshëm, por gjithashtu përshpejton plakjen e baterisë.’
Kjo ndodh sepse bateritë litium-jon që fuqizojnë telefonat inteligjentë modernë degradohen kimikisht si rezultat i karikimit të tepërt, luhatjet e temperaturës dhe koha e përdorimit.
Në rastin e karikimit gjatë natës, kjo do të thotë se bateria juaj merr një fuqi që është katër herë më e gjatë se sa duhet, sepse lihet në prizë për rreth gjashtë deri në tetë orë.
Si fillim, kjo nuk është e mirë nga pikëpamja e sigurisë, megjithëse lajmi i mirë është se shumica e pajisjeve ndalojnë automatikisht karikimin kur bateria e tyre arrin 100 për qind për të parandaluar mbinxehjen e tyre.
Problemi, megjithatë, është se për shkak se aplikacionet funksionojnë në sfond gjatë gjithë natës, pajisja në mënyrë të pashmangshme vazhdon të bjerë në 99 për qind.
