Prokuroria e Krimeve të Rënda kërkoi rivlerësimin e masës së sigurisë për 25-vjeçarin Orest Sota por seanca nuk u zhvillua sot në gjykatë. Burimet thanë se shkak është bërë mbingarkesa me procese e gjyqtares.
Aktualisht Sota mbahet në masën arrest me burg në bazë të vendimit që dha më herët gjykata e Elbasanit. Por tashmë çështja i ka kaluar Krimeve të Rënda ndaj kërkohet rivlerësim i masës.
Në prokurori është depozituar kërkesa e të atit, biznesmenit Lefter Sota, i cili thotë se paratë janë të tijat dhe kërkon lirinë e Orestit.
25-vjeçarit, iu gjetën në makinë 863 mijë euro me burim të pajustifikuar dhe dy patenta lundrimi të ish-ministrit të Brendshëm Saimir Tahiri. /Opinion.al
