Edhe një herë tjetër presidenti Donald Trump dhe Zonja e Parë Melania Trump janë fotografuar në një moment të sikletshëm.
Në një video nga NBC News, duket Melania që ka hedhur një pallto të verdhë mbi supe dhe që mban duart brenda saj. Ajo dhe presidenti Donald Trump po lënë Shtëpinë e Bardhë në Washington për të fluturuar drejt Ohios. Në momentin që Trump sheh kamerat, ai përpiqet të kapë dorën e bashkëshortes së tij dhe dështon, pasi ajo nuk i ka futur krahët te mëngët. Atëherë Trump ndalon dhe ia vë dorën te shpatullat, e më pas nisen drejt helikopterit.
WATCH: President Trump and First Lady Melania Trump depart the White House on their way to Ohio pic.twitter.com/unoZ5xyEXN
— NBC News (@NBCNews) February 5, 2018
Menjëherë pati aludime në Twitter se Melania Trump mund ta ketë bërë me qëllim këtë gjë, pasi edhe në të shkuarën çifti presidencial janë fotografuar sërish në momente të tilla ku është dukur qartë që zonja e parë ka refuzuar t’i mbajë dorën presidentit.
Edhe pasi u kthyen nga udhëtimi i tyre i shkurtër në Ohio, kjo skenë u përsërit. Melania sërish i kishte duart brenda palltos dhe presidenti Trump dështoi sërish në përpjekjen për t’i kapur dorën.
Mendohet se arsyeja për sjelljen e Zonjës së Parë janë akuzat se Trump ka paguar 130,000 dollarë që t’i mbyllë gojën aktores së filmave porno Stormy Daniels për lidhjen e tyre. Pas kësaj ngjarjeje Melania ka anulluar udhëtimin me presidentin në Davos dhe gjithashtu ka thyer disa tradita të tjera ku çifti presidencial shfaqet bashkë në publik./Opinion.al
