Sherri mes dy adoleshentëve ka çuar në një tragjedi familjare në Bathore. Daja i njërit prej tyre mbeti i vrarë pasi në konflikt u përfshinë dy familje. Policia ka zbardhur ngjarjen dhe arrestuar autorët. Sherri ka nisur për motive krejtësisht banale: “Pse më pave?”, thanë burime nga grupi hetimor.
Viktima është Aleksander Barlika, i cili ndërroi jetë në spital nga plagët e marra. Në pranga kanë rënë Rasim C., 49 vjeç dhe i biri 16 vjec si dhe Altin Barlika, 38 vjeç bashke me nipin 16 vjecar.
Autori i vrasjes dyshohet të jetë 16 vjeçari L.C, njëri nga protagonistët e sherrit.
Ngjarja
Dy adoleshentët K. P. 16 vjeç dhe L. C. 16 vjeç janë rrahur me njëri-tjetrin pasditen e djeshme në Bathore dhe më pas kanë thirrur në ndihmë familjarët. Kështu në konflikt janë përfshirë Aleksandër Barlika, Altin Barlika (dajat e K. P.) dhe Rasim C. (babai i L. C.).
Në fillim ata janë rrahur me grushte më pas kanë nxjerrë armët, ku për pasojë mbeti i vrarë Aleksandër Barlika daja i adoleshentit me iniciale K.P. Sipas policisë autor i dyshuar i vrasjes është adoleshenti me iniciale L. C.
Në vendin e ngjarjes u gjetën një pistoletë TT, me një krëhër dhe 8 fishekë dhe një armë gjahu e tipit çifte me të cilën dyshohet se u krye krimi i vrasjes. /Opinion.al
