Rindërtimi i stadiumit në Shkodër po numëron ditët e fundit deri në datën në të cilën do të pritet shiriti. Së fundmi, në impiant është bërë edhe emërtimi i tribunave dhe stolave. Si bilanc përfundimtar, ky impiant do të ketë 15 919 ndenjëse.
Shumë pak në krahasim me premtimin fillestar, rreth 20 mijë vendesh, apo edhe me njoftimin zyrtar ku u tha se do të kishte 17 500 stola për tifozët, shkruan gazeta “Panorama Sport”.
Në krahasim me premtimin zyrtar të dhënë nga drejtuesit e Federatës Shqiptare të Futbollit, impianti është zvogëluar me 1 581 ndenjëse.
Momentalisht, ky impiant është duke përmbushur edhe detyrat e fundit që nevojiten për licencimin e tij nga UEFA dhe FIFA, në mënyrë që ky stadium
të jetë i gatshëm për të pritur një takim ndërkombëtar.
E radhës për Kombëtaren, është sfida e eliminatoreve për në “Rusi 2018”. Më 5 shtator, kuqezinjtë do të presin Maqedoninë dhe deri në atë
datë, ky impiant do të jetë plotësisht gati.
