Vrasja e Liridona Murselit nga bashkëshorti në Kosovë është një ngjarje që tronditi mbarë opinionin publik në Shqipëri dhe Kosovë.
Ndërkaq në facebook-un e Naim Murselit komentuesit kanë shpërthyer komentet kundër tij.
Murseli në Kosovë njihet për angazhimin e tij si pjesë e stafit të ngushtë të kreut të Aleancës Kosova e Re, Behgjet Pacolli.
Ndërkohë në të gjitha postimet e tij, komenteve pozitive i kanë lënë radhën komenteve negative por dhe pyetjeve si:
“Pse e vrave gruan?”
“Gruja shkretë qe ti ka lind dy engjëj nuk e ka kuptu qe ti do i’a shuash jetën, qe ti pastaj ti kesh duart e lira te bashkohesh me dashurin e re. Ani, nuk ke pas dashni me të dhe ke ra ne dashni me tjeter kend, pse ore i’a pregadite kete kurth?? Ato fëmije do te rriten kurse ti ne sy te tyne do jesh vrasës i nënes se tyre! BURG TË PËRJETSHEM !”
“A s’të erdhi gjynah për fëmijët”.
Liridona Murseli humbi jetën mbrëmjen e së mërkurës. Rreth 48 orë më vonë, policia arrestoi bashkëshortin e saj, Naimin, si porositës të vrasjes, Granit Plavën si ekzekutor dhe Kushtrim Kokallën si bashkëpunëtor në këtë ngjarje shumë të rëndë.
Naim Murseli dyshohet se e ka paguar Granit Plavën 30 mijë euro që t’ia vrasë bashkëshorten. Raportohet se 15 mijë ia kishte dhënë para krimit të rëndë, e 15 mijë të tjera do t’ia jepte pas vrasjes. Ngjarja u inskenua si grabitje./Opinion.al
