Opsioni me pyetje në Instagram i ka bërë të famshmit shqiptarë të fiksohen. Në shumë raste ata u janë përgjigjur pyetjeve të shumta të ndjekësve të tyre, dhe jo rrallë kanë zbuluar gjëra që nuk i dinim. I tillë ka qenë dhe rasti i Sara Hoxhës, e cila është pyetur nëse ka pasur ndonjëherë probleme me depresionin apo ankthin.
“Ke kaluar ndonjëherë ankth/depresion? Nëse po, si ta luftosh?”, e pyeste një ndjekëse Sarën. “Luftoj me ankthin thuajse çdo ditë. Disa ditë janë më mirë se të tjerat. Të pasurit një fëmijë në fakt më ndihmon ta përballoj më mirë duke qenë se kam dikë për tu fokusuar”, iu përgjigj Sara.
Por pasi rrëfeu një pjesë të vështirë të sajën, duket se ajo është penduar, dhe e ka fshirë postimin.
