Në disa pjesë të Azisë, të gjithë vendosin maska në jetën e përditshme.
Në Kinë, Hong Kong, Japoni, Korenë e Jugut, Tajlandë dhe Tajvan, supozimi është se çdokush mund të jetë mbartës i virusit, madje edhe njerëz të shëndetshëm. Pra, në frymën e solidaritetit, ju duhet të mbroni të tjerët nga vetja juaj.
Disa vende e marrin këtë ide shumë seriozisht: në disa pjesë të Kinës, ju mund të arrestoheni ose të ndëshkoheni për mos vendosjen e maskës. Në Singapor, shtet i cili dikur ka dekurajuar qytetarët të mos mbanin maska, tani është e detyrueshme të vendosni maskë në ambjentet publike ose të rrezikoni një gjobë prej 300 $.
Ndërkohë në Indonezi dhe Filipine, ku ka dyshime se ka shumë raste të paraportuara, shumica e njerëzve në qytetet e mëdha vendosin maska për të mbrojtur veten nga të tjerët.
Për shumë nga këto vende, vendosja e maskës, ishte një normë kulturore edhe para shpërthimit të koronavirusit. Në Azinë Lindore, shumë njerëz janë mësuar të mbajnë maska kur janë të sëmurë ose kur është sezoni i gripit, sepse konsiderohet e pasjellshme të teshtitni ose kolliteni hapur.
Përhapja e virusit Sars e vitit 2003, e cila preku disa vende të rajonit, gjithashtu theksoi rëndësinë e mbajtjes së maskave, veçanërisht në Hong Kong, ku kishte shumë viktima. Pra, një ndryshim kryesor midis këtyre shoqërive dhe atyre perëndimore, është se ata kanë eksperiencë dhe kanë përjetuar pandemi më parë ndaj kujtimet janë ende të freskëta dhe të dhimbshme.
Në disa pjesë të Azisë, ndotja sezonale e ajrit ose ndotja e rëndë e trafikut në qytete të mbushura me njerëz gjithashtu e kanë bërë mjaft normale që njerëzit të vendosin maska jashtë.
Po në Perëndim?
Javët e fundit, shumë kombe europiane kanë dhënë këshilla për të vendosur maska në ambiente të caktuara publike, sidomos transport publik dhe supermarkete.
Disa shtete amerikane kanë dhënë gjithashtu këshilla të ngjashme. Madje Shtëpia e Bardhë tani e bën të detyrueshme që personeli të mbajë maska për fytyrën. megjithëse presidenti Trump ende refuzon të vendosë një.
Pse disa njerëz përqafojnë maskat ndërsa të tjerët i shmangin, nuk ka të bëjë vetëm me direktivat qeveritare dhe këshillat mjekësore, ka të Bëjë edhe me kulturën dhe historinë, një debat mbi provat dhe madje edhe për liritë personale.
Që nga fillimi i shpërthimit të koronavirusit, këshillat zyrtare nga Organizata Botërore e Shëndetit kanë qenë që vetëm dy tipe njerëzish duhet të mbajnë maska: ata që janë të sëmurë dhe shfaqin simptoma, dhe ata që kujdesen për njerëzit që dyshohet se kanë koronavirus.
Askush tjetër nuk ka nevojë të veshë një maskë, dhe ekspertët kanë dhënë disa arsye për këtë. Njëra është që një maskë nuk shihet si mbrojtje e besueshme duke pasur parasysh që studimi i tanishëm tregon se virusi është përhapur nga stërkala dhe kontakti me sipërfaqet e kontaminuara.
Kështu që mund t’ju mbrojë, por vetëm në situata të caktuara, si psh: kur dikush i infektuar mund të teshtisë ose kollitet pranë fytyrës tuaj. Kjo është arsyeja pse ekspertët thonë se larja e shpeshtë e duarve me sapun dhe ujë është shumë më efektive.
Heqja e një maskë kërkon vëmendje të veçantë për të shmangur ndotjen e duarve, dhe gjithashtu mund të krijojë një sens të rremë të sigurisë, ku përfundoni duke injoruar ose harruar të praktikoni një higjienë të mirë./Opinion.al
