PS votoi ndryshimet në rregulloren e Kuvendit, Bardhi: Nuk i bindemi, do e çojmë në Gjykatën Kushtetuese

Kreu i Grupit parlamentar të PD-së, Gazment Bardhi, në një dalje per mediat në përfundim të seancës plenare është shprehur se ndryshimet në rregulloren e Kuvendit, të cilat u miratuan nga mazhoranca sot do t’i çojnë në Gjykatën Kushtetuese.
Bardhi tha për gazetarët se nuk do t’i binden asaj rregullore për të cilën nuk kanë rënë dakord, duke shtuar se ndryshimi i saj u bë në mënyrë të njëanshme dhe të dhunshme.
“Sot e patë që Kuvendi ashtu siç në fakt këto dy muaj është salla e rojeve të Edi Ramës. Si çdo regjim edhe Edi Rama ka nevojë për forca sigurie. Sot në një atentat të vërtetë të parlamentarizmit është miratuar në mënyrë të njëanshme rregullorja e bashkëjetesës në Parlament. Ndryshimi do të dërgohet në Gjykatën Kushtetuese. Ne nuk e njohim dhe nuk do t’i bindemi atyre rregullave me të cilat nuk kemi rënë dakord”, tha Bardhi për gazetarët.