Partia Socialiste mësohet se i është drejtuar me një letër Komisionit Qendror të Zgjedhjeve, ku në fokus është moskandidimi i në zgjedhjet lokale të 30 qershorit të të gjithë atyre kryebashkiakëve aktualë që kanë ezauruar tre mandate.
Në bazë të këtij informacioni rezulton që në zgjedhjet e qershorit, kryebashkiakë si Vangjush Dako në Durrës, Qazim Sejdini në Elbasan apo Xhelal Mziu në Kamëz të mos kenë mundësi të rikandidojnë. Nëse për Sejdinin situata duket më pak e komplikuar për shkak se ka paralajmëruar se ka hequr dorë nga rikandidimi, nuk mund të thuhet e njëjta gjë për dy kandidatët e tjerë.
Vangjush Dako është në qendër të akuzave të vazhdueshme të opozitës, për shkak të përgjimeve për blerje votash në zgjedhjet e vitit 2017 që u publikuan edhe nga Zëri i Amerikës. Vetë Dako nuk ka pranuar të tërhiqet nga gara, ndërsa opozita ka paralajmëruar një arrestim të tijin me qëllim që të shpëtojë qeveria Rama.
Mbrëmë Prokuroria tha për “Opinion” se ka një hetim ndaj Vangjush Dakos, por do shikohet përfshirja e tij në kuadër të dosjes “339”. Ndërkohë që i ndryshëm është rikandidimi i Mziut që me gjasa do të vuajë djegien e kartave që po bën PS./ Opinion.al
