Kryetari i Partisë Demokratike, Lulzim Basha, një ditë para protestës së opozitës, ka zhvilluar një takim me qytetarët e Unazës së Re në Tiranë.
Teksa u bëri thirrje që nesër të protestojnë kundër qeverisë “Rama”, Basha tha se sot në hapjen e fushatës së PS u mblodhën kriminelët dhe të pandehurit.
Ai shtoi se ashtu siç ka ndodhur me Unazën e Re, korrupsioni i qeverisë po vepron te rruga Milot-Balldren.
“Sot një ditë para 2 qershorit, jam i sigurt që do të hymë në një tjetër rekord si bashkimi i zemrave kundër tiranisë. Dua ta them fare qartë se ndalja e të keqes nuk mjafton, ajo është e panegociueshme. Kjo e keqe është një kancer dhe ndalja e kancerit nuk mjafton për të shpëtuar pacientin dhe prova më e qartë është sot në dy vende, njëri 2 km prej këtej, në një palestër ku u mblodhën si në furrik kriminelët dhe të pandehurit, për të shpallur projektin e tyre ogurzi të kapjes së pushteteve me krimin, me kandidatë për bashki vrasës dhe injorantë. E keqja donë të marshojnë në të gjithë Shqipërinë. E dyta provë është 80 km në veri. Këtu e morën një grusht të fortë, këtu janë ndalur, por e keqja nuk është ndalur, është dhjetëfishuar. 300 milion duan të vjedhin me rrugën Milot-Balldren, me të njëjtën skenë si me Unazën e Re. Që shtëpitë tuaja të jenë të sigurta dhe këta vogëlushë të shkojnë në shkollë të patraumatizuar nga lotët e prindërve, nuk mjafton ta ndalim të keqen. E keqja duhet shkulur me rrënjë”, tha Basha.
,-thaBasha./ Opinion.al E.Xh.
