Mbledhja e grupit parlamentar të PS zhvillohet sot rreth orës 10:00 ku parashikohen diskutime lidhur me të gjithë axhendën parlamentare dhe fokusin që do të kenë gjatë vijimit të javës të gjithë deputetët e Partisë Socialiste.
Ishte njoftuar që në mbledhjen e grupit të PS do të ishte i pranishëm edhe kryeministri Edi Rama, por një axhendë paralele në orën 10:00, duke se i ka ndryshuar planet.
Kryeministri Edi Rama dhe Ministrja e Turizmit dhe Mjedisit Mirela Kumbaro do të jenë pjesë e takimit të 70-të të Komisionit për Europën të Organizatës Botërore të Turizmit.
Megjithatë mbetet për t’u parë nëse Kryeministri Rama do t’i bashkohet mbledhjes më vonë gjatë ditës së sotme. Gjithashtu një nga fokuset e kësaj mbledhje, pritet të jenë edhe diskutimet për Reformën Zgjedhore.
Kjo mbledhje e grupit parlamentar të PS-së ditën e sotme vjen para atij të Këshillit të Mandateve në orën 14:00, ku do të diskutohet mandatit i Olta Xhaçkës.
