Ndërkohë që nuk ka komentuar ende rezultatet e zgjedhjeve deri në këto momente, dhe pasi është larguar nga selia e Partisë Socialiste, Kryeministri Rama ka inspektua organizimin për Samitin e BE në Tiranë që do të mbahet ditë e Premte.
Përmes një videoje në rrjetin social “Facebook”, Rama shkruan: “Live Shtëpia e Evropës nën hijen e Skënderbeut, ku të premten, 16 maj, do të mblidhen udhëheqësit e mbarë kontinentit”…
Pak më parë Rama është larguar nga ambientet e selisë së Partisë Socialiste.
Sjellim në vëmendje që kryesocialisti pjesën më të madhe të kohës, si gjatë ditës së djeshme kur qytetarët iu drejtuan kutive të votimit, por edhe gjatë periudhës së numërimit të votave ka qëndruar në ambientet e selisë rozë.
