Partia Socialiste kërkon shkarkimin e Arben Malajt nga posti i anëtarit të Këshillit Mbikëqyrës të Bankës së Shqipërisë. Për këtë iniciativë kanë firmosur 28 deputetë. Burime nga Partia Socialiste bëjnë të ditur se, sipas tyre, Arben Malaj ka shkelur etikën në prononcimet publike.
Por pas këtij lajmi ka reaguar edhe ish-ministri i Financave, i cili kohët e fundit ka kritikuar ashpër kryeministrin Edi Rama dhe kryebashkiakun e Tiranës, Erion Veliaj.
Në reagimin e publikuar së fundmi, Malaj thekson se nuk do të bëjë asnjë deklaratë specifike përpara nisjes së ballafaqimit institucional, ndërkohë që tregon disa nga shkaqet që, sipas tij, e kanë shtyrë mazhorancën drejt vendimi të shkarkimit.
Ai akuzon Taulant Ballën, kreun e Grupit Parlamentar të PS, se i ka dërguar kërcënime paralajmëruese dhe mesazhe me rekomandime partiake, shqetësime të cilat janë protokolluar në mbledhjen e bordit të Bankës. Arben Malaj thekson gjithashtu se do të ngrejë padi individuale për çdo deputet që do të votojë pro shkarkimit./ Opinion.al
