Partia Agrare mblodhi sot konventën kombëtare ku kryetari Agron Duka deklaroi se kjo forcë politike synon të ketë grupin e saj parlamentar pas zgjedhjeve të 2017.
Sfida e parë është Kolonja, ku PAA në koalicion me PD-në kanë prezantuar kandidatin e tyre Dritan Hajro, ish socialist.
Nënkryetari i grupit Parlamentar socialist Taulant Balla ndërsa i bëri elozhe Agron Dukës ftoi Partinë Agrare ambjentaliste të bëhet pjesë e maxhorancës nëse duan të jenë fitues.
“Ju jeni aktualisht në një garë lokale me ne dhe unë nuk mund tju bëj fushatë qoftë për ju as për ne, por di tju them se edhe ju të PAA-së duhet të vini një orë e më parë që ne të punojmë për njerëzit dhe komunitetet tona”, tha Balla.
Lulzim Basha që përshëndeti këtë konventë u shpreh se duke marrë shkas nga prioritet që ka partia Agrare Ambjentaliste për të mbrojtur mjedisin premtoi se do të ndjekin të gjitha iniciativat ligjore për të mos lejuar që ligji për importin e mbetjeve të hyjë në fuqi.
