Mazhoranca duket se do ta rrëzojë sërish kandidatin e presidentit Meta për kryetar të Kontrollit të Lartë të Shtetit, z. Bahri Shaqiri.
Socialisti Ulsi Manja thotë se Shaqiri nuk e plotëson kriterin e kërkuar nga Kushtetuta.
“Mbase zoti Shaqiri ka punuar me financat e LSI-së dhe këtë mund të ketë pasur parasysh kryetari në distancë i LSI-së, presidenti Meta, kur e ka propozuar. Por e para s’ka të dhëna publike për këtë aktivitet dhe e dyta edhe sikur të na i vinte në dispozicion këto të dhëna LSI-ja, prapëseprapë kjo nuk do ta zgjidhte problemin kushtetues të kandidaturës. Madje do ta komplikonte atë”, u shpreh Manja në prononcim për mediat.
Sipas tij, mazhoranca e ka të pamundur për ti dhënë “OK” kandidaturës së këshilltarit të Metës. Kujtojmë se në fund të dhjetorit parlamenti nuk votoi as kandidaturën e parë të Metës, znj. Vitore Tusha për në krye të KLSH-së.
/Ri-De
