Kaloni shumë kohë online?
Nuk jeni të vetmit. Është mjaft e kuptueshme, njësoj siç është e kuptueshme që ka ardhur koha për një detoks digjital. Përpiquni të kaloni një ditë pa i kthyer sytë nga ekranet e vegjël. Nuk është aq e frikshme sa ç’duket.
Përpara se të nisni detoksin, duhet të merrni parasysh efektet anësore. Mund të përjetoni sindromën e telefonit fantazëm, një fenomen që iu shtyn të mendoni se celulari juaj po tingëllon ose po dridhet kur në fakt nuk po e bën.
Thuajini njerëzve që do të merrni një ditë pushim nga interneti. Duke e bërë këtë gjë mund t’u dukeni të tjerëve gërnjar, por gjithashtu mund t’i mbajë larg duke mos iu shqetësuar gjatë detoksit.
Hiqni qafe të gjitha tundimet. Nëse është e mundur, lijeni telefonin në shtëpi. Ose të paktën ç’kyçuni nga të gjitha rrjetet sociale. Nëse mendoni se nuk do të rezistoni dot dhe do t’i kontrolloni gjithësesi, thuajini një mikut tuaj t’ju ndërrojë fjalëkalimet.
Dilni nga shtëpia nëse moti është i mirë. Mund të bëni ndonjë aktivitet fizik, përshembull ecje në mal. Ose thjesht shëtitje në një park ose buzë detit.konsideroni një roman interesant si shoqëruesin e asaj dite.
Dita e detoksit është perfekte për të provuar gjëra të reja. Kalojeni ditën duke pikturuar, apo duke gatuar. Nuk i dihet kurrë çfarë talentesh të fshehta mund të zbuloni të vetja. Nuk ka rëndësi si e kaloni ditën në fakt. Mund të bëni edhe gjëra fare të thjeshta që ju pëlqejnë por që nuk keni kohë t’i bëni.
Nuk ka pse të përfundojë në 24 orë. Edhe kur të ktheheni online merrni 1 orë në ditë kohë për vete. Fikni telefonin dhe shijoni një libër apo passion tuajin. Paçi fat!/ Përgatiti: Elena Lika
