Të arrestuarit për dhunën e ushtruar në protestën e opozitës, do të dalin para gjykatës ditën e martë për t’u njohur me masën e sigurisë. Sipas TV Klan, Prokuroria pritet të kërkojë arrest me burg për pjesën më të madhe të tyre.
Si provë kryesore, Prokuroria do të përdorë materialet filmike që janë regjistruar edhe nga televizionet. Një ndër personat për të cilin do kërkohet arrest me burg është edhe Florenc Hoxha, ish-drejtor i policisë bashkiake. Në filmimet që disponon organi i akuzës, ai shihet duke kundërshtuar policinë dhe duke drejtuar protestuesit e tjerë në sulmet që bënë ndaj kryeministrisë.
Mbi ta rëndojnë akuzat e shkatërrimit të pronës, shkatërrimit të pronës me zjarr, kundërshtim i policisë dhe prishje e qetësisë publike.
