Pasi doli nga seanca plenare, ku u votua marrëveshja me Italinë dhe pr.ligji për Zonat e Mbrojtura, deputeti i PS Erion Braçe është përballur me “zemërimin” e protestuesve.
Qytetarët të cilët ishin mbledhur para Kuvendit duke protestuar kundër pr.ligjit për ndërtimin në Zonat e Mbrojtura i janë drejtuar deputetit me fjalët: Turp! Turp!
Ata thirrën njëzëri “Turp”, ndërsa Braçe i është kthyer duke iu thënë: “Paskeni marrë edhe hajdutin e kohës së Saliut me vete?”
Protestuesit para Kuvendit: Turp! Turp! E votove ligjin Erion? E votove Divjakën?
Braçe: Paskeni marrë edhe hajdutin e kohës së Saliut me vete? E keni marrë edhe atë aty? Se ai hajduti i Saliut e ka mbrojt Divjakën. Ai hajduti i Saliut, e keni aty.
