Një nga protestuesit e së martës në protestën e opozitës është Arben Hajdari. Ai është ndaluar nga policia prej së martës i akuzuar për mosbindje ndaj policisë, cenim të institucioneve shtetërore dhe prishje të qetësisë publike. Nga dritarja e komisariatit ai akuzon policinë se e kanë keqtrajtuar gjatë shoqërimit dhe marrjes në pyetje.
Hajdari akuzon shefin e krimeve të komisariatit të Kamzës i cili sipas tij e ka goditur. Ai thotë se mbahet padrejtësisht në qeli pasi sipas tij nuk ka asnjë provë të vetme, filmike apo shkresore që të vërtetojë se ai ka qenë një protestues i dhunshëm.
