Policia e Tiranës ka vendosur që të ndalojë dy minatorë në lidhje me protestën që u bë poshtë zyrës së Edi Ramës. Tafë Koleci dhe Nikollë Gjoka janë dy të ndaluarit, sepse sipas policisë, protesta ishte organizuar pa leje.
Në fakt minatorët protestues kishin kërkuar leje nga policia, por kjo e fundit nuk kishte dhënë me arsyetimin se leja nuk ishte bërë sipas afateve të përcaktuara në ligj.
Policia thotë se Taf Koleci dhe Nikollë Gjoka janë ndaluar për verifikime. Minatorët sot kanë protestuar duke kërkuar të drejtat e tyre dhe pensionin që iu është premtuar.
