Një grup aktivistësh nga lëvizja Ultima Generazione kanë sulmuar shatërvanin e famshëm “Fontana di Trevi” në Romë në shenjë proteste ndaj qeverisë italiane.
“Qymyri vegjetal në shatërvanin e Trevit për t’i kërkuar edhe një herë qeverisë të ndalojë subvencionet publike për lëndët djegëse fosile”, kështu e shpjegojnë aktivistët e gjeneratës ngjarjen e fundit.
Aktivistët hynë në shatërvanin monumental romak me një pankartë për fushatën ‘Mos paguajmë për fosilet’, duke pasur parasysh edhe atë që po ndodh “në Emilia Romagna”.
Ambientalistët e rinj kanë organizuar këtë aktivitet për të ndërgjegjësuar kauzën e tyre.
Ata kanë qëndruar brenda shatërvanit duke bërtitur “vendi ynë po vdes”, duke iu kundërpërgjigjur ofendimeve të kalimtarëve dhe turistëve.
Për të ndërprerë aksionin, policia lokale ka shkuar në vendngjarje, ku disa prej të rinjve të përfshirë në ngjarjen e ndodhur janë shoqëruar nga policia.
Kryetari i bashkisë së Romës ka reaguar për incidentin e ndodhur në Twitter si dhe shton se për të pastruar ujin e shatërvanit nga boja e zezë me të cilën është ndotur do t’iu duhet pak kohë.
“Fatmirësisht nuk duhet të ketë dëmtime të përhershme sepse boja e zezë është vendosur rreth materialit hidroizolues, jo mbi mermer dhe duhet të hiqet pa dëmtime të përhershme. Rreziku është kur shkon në mermer, i cili është poroz,” tha kryetari i bashkisë së Romës Roberto Gualtieri.
“Kjo do të përfshijë një ndërhyrje të konsiderueshme, do të kushtojë kohë, mund dhe ujë, sepse ky është një shatërvan për riciklimin e ujit. Do të duhet ta zbrasim, do të hidhen 300 mijë litra ujë, sa është kapaciteti i shatërvanit”, saktësoi kryetar bashkie.
I cili më pas përmes Twitter shton:
“Mjaft me këto sulme absurde ndaj trashëgimisë sonë artistike. Sot shatërvani i Trevit është i ndotur. I shtrenjtë dhe kompleks për t’u restauruar, duke shpresuar se nuk do të ketë dëmtime të përhershme. Ftoj aktivistët të konkurrojnë në një terren konfrontues pa vënë monumentet në rrezik”./Opinion.al
“Cosa pensate di risolvere?” “Perché vi accanite contro i monumenti?”
Perché?
Perché non possiamo continuare a fingere che vada tutto bene. Non possiamo continuare a “sperare” che chi è al potere faccia il suo dovere. #UltimaGenerazione #FontanadiTrevi #crisiclimatica pic.twitter.com/NkyTnu9ocz— Ultima Generazione (@UltimaGenerazi1) May 21, 2023
