Ish-kryeministri Sali Berisha ka folur lidhur me protestën që do të zhvillohet ditën e hënë në kryesinë e Kuvendit, teksa Këshilli i Mandateve do të shqyrtojë kërkesën e SPAK për ashpërsimin e masës së sigurisë ndaj tij.
Berisha tha se tashmë PD është futur në stinën e protestave, duke theksuar se ato do të vijojnë deri në rrëzimin e qeverisë “Rama”.
Sipas Berishës, protesta nuk ka lidhje me problemet që ai ka me drejtësinë, por për të mbrotjur Shqipërinë.
“Narkodikatori kërkon të marrë edhe pushtetet që nuk i kontrollon akoma. Kështu që protestat kanë qenë program i padiskutueshëm, alfa dhe omga e fjalës time janë mosbindja civile dhe protestat. Më e rëndë eshte amendamenti që u miratua ditën e djeshme. Kjo do të thotë asgjësim i mandatit të deputetit. Çfarë i thotë Edi Ramës atë bën, por Edi Ramës po i përfundojnë letrat dhe do marrë atë që meriton. Do ketë një zinxhir protestash, tani ne fillojmë stinën e protestave. Një projekt ka ekzistuar, po projekti modifikohet dhe fillohet me protesta madje edhe sporadike, me qëllimin më madhor që të shkohet drejt organizimeve më madhore”, tha Berisha.
