Qytetarët kanë protestuar sot në para Presidencës në Tiranë kundër arrestimit të ish-anëtarit të Ushtrisë Çlirimtare të Kosovës, Dritan Goxhajt.
Qytetarët janë shprehur kundër ekstradimit të tij në Kosovë. Goxhaj u arrestua më 31 Korrik me kërkesë të Prokurorisë Speciale të Kosovës, që e akuzon atë se ka intimiduar dëshmitarët në procesin kundër drejtuesve të UÇK-së për krime lufte, duke publikuar emrat e tyre.
Qytetarët kërkojnë lirimin e tij dhe paralajmëruan protestë tjetër në 12 Shtator.
