Kryeministri Edi Rama ka folur në lidhje me protestat që po zhvillohen pas vrasjes së 25-vjeçarit Klodian Rasha nga një efektiv policie.
Rama tha se po abuzohet me të mitur, duke shtuar se ata që protestojnë nuk janë të vetëdishëm për atë që bëjnë.
Më tej kryeministri kritikoi analistët që mbështesin protestat, pasi sipas tij, qytetarët po djegin dhe thyejnë pronën publike.
“Së pari, unë mendoj që është fatkeqësi e madhe që njerëz me eksperiencë, njerëz me prani publike, me përgjegjësi publike, si ata të cilët ashtquhen analistë që shfaqen nëpër ekrane dhe shprehin opinionin e tyre nëpër portale, të jenë kaq të pandjeshme dhe të ndërkryer ndaj qeverisë dhe kaq të mbushur me një ndjenjë hakmarrje saqë të mos e ngrenë zërin për një fakt të trishtueshëm që është shfaqur këto ditë në Shqipëri. Për faktin me abuzimin me të miturit dhe ta quash këtë shenjë revolte që vjen nga një frustrim i shoqërisë, si një shembull për tu marrë përsa i përketë vandalizmave, do të thotë të jemi të alarmuar. Nuk flas i kryeministër, kryeministrat shkojnë e vijnë, askush nuk lind e askush nuk vdes kryeministër. Para se të jesh kryeministër je qytetar, prind në këtë vend dhe pasues i të tjerëve që kanë qenë para teje. Është përtej skandalozes, është një turp i pashoq të shikosh njerëz që mund të kenë arsyet e tyre, më pëlqen apo jo mua janë të drejta, por që të arrijnë deri në këtë pikë. Të ri abuzojnë të miturit duke i përdorur si argument për të vazhduar të pikturojnë një panoramë të një revolucioni të cilin kanë kohë që e presin. Është rënie në një nivel që nga pikëpamja humane është katastrofë. analistë që argumentojnë dobinë që kanë për shoqërinë djegia e pronës publike, çfarë problemi ka se po thyejnë se po djegin, përkundrazi, ky është fundi. Nuk e kam gjetur as tek filozofë e ekstremistë të majtë në Francë nuk e kam gjetur një fjalë për ta amnistuar dhunën. Çfarë janë këta? Shqetësimi im është si mund të arrihet deri këtu. Si mund të ndodhi kjo në Shqipëri? Nuk janë ata fëmijë të vetëdijshëm për atë që bëjnë, nuk janë të motivuar nga politika nga qenia e tyre apo nga ideja e një drejtësie ata janë ta abuzuar. Po përdoren për mish për top. Si mundem unë ta them që ata minoren që vandalizuar selinë e PS në Shkodër janë fajtorë. Ata nuk janë fajtor e nuk janë të vetëdijshëm, ata janë fëmijë që kanë problematikat e tyre por ata që janë pas tyre janë kriminelë. ata që i terrorizojnë në debate e komente bëjnë një akt moralisht kriminal. Si mundet? Çfarë i thonë këtë popullit shqiptar? Dilni e bëni kështu se kjo është rruga për të përmbysur regjimin. Cilin regjim? Cilat janë protestat që kanë arritur qëllimin e tyre? Ato të dhunshme apo ato paqësoret. Të jeni të sigurt që do ishin aty siç ishin për armët kimike. Nuk kanë djegur asnjë fije bari. kanë dalë në protestë dhe kanë kthyer mbrapsh një nismë që pata e mund të kishte shkuar në drejtim tjetër. Kjo qeveri ka të mete, por nuk ka të meta për të qenë shurdhe ndaj protestës. Protesta e studentëve ishte paqësore, por arriti qëllimin. Arriti qëllimin pse, se u trembëm ne nga gurët, zjarri nga thyerja e semaforëve, jo. Por, vetëdija ime dhe qeveria dëgjon, qeveria nuk është e fortë kur thotë se ka gjithmonë të drejtë”,-tha Rama./ Opinion.al
