Ditën e nesërme, Aleanca për Mbrojtjen e Teatrit së bashku me opozitën kanë lajmëruar protestën e tretë përpara bashkisë së Tiranës për largimin e kryebashkiakut Erion Veliaj.
Mesditën e ditës së sotme, kreu i grupit parlamentar të Partisë Demokratike, Gazment Bardhi u ka bërë thirrje qytetarëve për pjesëmarrje në tubimin nesër.
Nëpërmjet një postimi në rrjetet sociale, Bardhi është shprehur se ka ardhur koha për të mbajtur përgjegjësi.
Sipas Bardhit, korrupsioni në bashkinë e Tiranës është duke ulëritur.
Reagimi i plotë i Gazment Bardhi:
Korrupsioni në Bashkinë e Tiranës ulërinë dhe është shkaku kryesor pse sot bizneset, qytetarët në nevojë dhe të rinjtë ndjehen të braktisur. Koha për të mbajtur përgjegjësi. Nesër, ora 11:00, përpara Bashkisë së Tiranës, së bashku me qytetarët e ndershëm të Tiranës.
