Nesër në orën 10.00 pritet të ketë një tjetër zhvillim përsa i përket protestës së studentëve.
Pedagogë të Universitetit të Tiranës, do të zhvillojnë një asamble me akademikët e të gjithë fakulteteve të Tiranës.
Qëllimi i këtij takimi të organizuar nga pedagogë të Fakultetit Histori-Filologji, të Shkencave të Natyrës dhe të Shkencave Sociale, është të dilet me një zë të përbashkët për Universitetin e Tiranës, në raport me situatën e krijuar dhe hapat në vazhdim.
Takimi do të mbahet në sallën e madhe të godinës “Iliria”
“Të premten, datë 25 janar 2019, në ora 10.00, në sallën e madhe të godinës LIRIA, mbahet takimi i parë i përgjithshëm mes asambleve të fakulteteve të Universitetit të Tiranës, Ky takim i përgjigjet situatës së krijuar në arsimin e lartë dhe propozimit të mbledhjeve të deritanishme të asambleve për takim mes asamblesh. Synimi është të dilet me një zë të përbashkët për Universitetin e Tiranës, në raport me situatën e krijuar dhe hapat në vazhdim. Ftohen të gjithë pedagogët e UT të marrin pjesë. Pjesëmarrja individuale e çdo pedagogu është vendimtare për të ardhmen e UT”, thuhet në deklaratën e grupit organizator.”
