Përmes një njoftimi zyrtarë, Policia e Tiranës ka njoftuar se 7 protestues janë arrestuar, ndërsa janë proceduar penalisht 40 deputetë e përfaqësues të partive politike pjesëmarrëse në protestën e së hënës, ku u bllokuan rrugët e Tiranës.
Në pranga kanë rënë shtetasit me iniciale: R. B., 27 vjeç, A. H., 21 vjeç, J. Ç., 27 vjeç, A. C., 25 vjeç, G. S., 55 vjeç, V. Gj., 59 vjeç dhe Ç. K., 31 vjeç, si dhe u proceduan penalisht, në gjendje të lirë 21 të tjerë, për veprat penale “Pengimi i qarkullimit të mjeteve të transportit”, “Kundërshtimi i punonjësit të policisë së rendit publik” dhe “Organizimi dhe pjesëmarrja në grumbullime e manifestime të paligjshme”.
Ndërkohë u proceduan në gjendje të lirë edhe shtetasit me iniciale Flamur Noka, A. Q., Çlirim Gjata, I. K., A. M., Xhelal Mziu, Tomor Alizoti, A. P., E. E., L. H., I. K., S. J., Albana Vokshi, A. V., Oerd Bylykbashi, F. H., Andia Ulliri, P. D., Agron Gjekmarkaj, Elda Hoti, L. M., R. L., G. S., D. M., Sh. M., A. M., A. M., A. K., A. A., M. G., A. H., Tedi Blushi, A. P., Gazment Bardhi, L. B., F. M., L. G., Saimir Korreshi, Erisa Xhixho dhe Ina Zhupa, me detyra deputetë të Kuvendit të Shqipërisë dhe/ose përfaqësues të Partisë Demokratike të Shqipërisë, Partisë Republikane ose Partisë së Lirisë.
Ata akuzohen për veprat penale “Pengimi i qarkullimit të mjeteve të transportit”, “Organizimi dhe pjesmarrja në grumbullime e manifestime të paligjshme”, “Mosbindja ndaj urdhrave të punonjësit të rendit publik”, “Prishja e rendit dhe e qetësisë publike” dhe “Kundërshtimi i punonjësit të policisë së rendit publik”.
Policia informon se gjatë tubimit deputetë ose përfaqësues të subjekteve politike Partia Demokratike e Shqipërisë, Partia Republikane dhe Partia e Lirisë iu kanë bërë thirrje tubuesve, që së bashku me ta, të bllokonin akset rrugore, në mënyrë që mos të kishte lëvizje të mjeteve.
Gjithashtu tubuesit kanë kundërshtuar forcërisht punonjësit e Policisë në detyrë, si dhe nuk iu janë bindur urdhrave të tyre, për lirim të akseve rrugore.
