Në fund të protestës në Himarë, Fredi Beleri ka dhënë një mesazh, nga qelia e burgut, për mbështetësit e tij himarjotë.
Gjatë fjalës së tij, Beleri tha se nuk e ka humbur shpresën që do të marrë drejtimin e Bashkisë.
“Jam mirë, jam i fortë. Jam duke pritur. Kanë kaluar 3 muaj, jam i vendosur të betohem kryetar bashkie dhe të shkoj atje ku më kanë emëruar himarjotët. Dua t’u them atyre të jenë të fortë, të presin dhe të kenë besim te Zoti. Drejtësia mund të jetë e ngadaltë. Ndonjëherë më shpejt, ndonjëherë më ngadalë, por në fund fiton gjithmonë”, tha ai nga burgu përmes një mesazhi zanor.
Ndër të tjera kryebashkiaku i zgjedhur i Himarës ka hedh akuza edhe në drejtim të kryeministrit Edi Rama.
“Arsyeja e vetme që jam këtu është rrëmbimi i pronave për llogari të investitorëve strategjikë që janë kryesisht miq të qeverisë dhe kryeministrit,” tha Beleri./Opinion.al
