Prej më shumë se një ore studentët kanë nisur marshimin e tyre drejt ministrisë së Arsimit. Protesta e sotme ashtu siç ishte paralajmëruar ka marrë përmasa kombëtare.
Me mijëra studentë por edhe gjimnazistë kanë bojkotuar sot mësimin. Studentët të cilët vijojnë marshimin në këmbë kanë bllokuar rrugët e kryeqytetit, ndërsa nuk ndalen me thirrjet e tyre.
Me thirrje dhe pankarta të ndryshme, studentët kanë dhënë dhe një paralajmërim të fortë për Ministrisë e Arsimit. Ata kanë bërë të qartë se nëse nuk ulen tarifat “Do bjerë Ministria e Arsimit”.
“Lumi” i studentëve të nisur drejt Ministrisë së Arsimit kanë thirrur në kor “Po nuk ulët tarifat, do bjerë ministria”.
Kujtojmë se sot studentët i kanë lënë afat qeverisë deri në orën 16:00 që të plotësojë kërkesat e tyre. Në të kundërt siç janë shprehur studentët do të ketë përshkallëzim të protestave të tyre me grevë urie apo edhe forma të tjera.
Ndiq protestën live
