TIRANË- Ish-të përndjekurit politik nuk ndalen. Ata sërish kanë qenë para selisë së parlamentit duke protestuar sot. Fakti se askush nuk dëgjon zërin e tyre ka bërë që të përshkallëzojnë protestën duke gjuajtur me vezë mbi makinat e deputetëve të parkuara para selisë ku mbahen seancat plenare çdo të enjte. Forcat e policisë janë shtuar në numër pas këtij incidenti duke e bërë të pamundur zhvillimin e mëtejshëm të protestës. Kërkesa e ish-të përndjekurve mbetet e njëjta: Shpërndarja në kohë e kësteve të dëmshpërblimeve që duhet të përfitojnë nga vitet e burgut në diktaturë.
