Teksa këtë të mërkurë pedagogët kanë dalë në protestë, ku ndër të tjera kërkojnë rritjen e pagave, kryeministri Edi Rama po zhvillon një aktivitet në Universitetin Bujqësor të Tiranës.
Nga ky aktivitet, Rama iu është përgjigjur pedagogëve dhe ka deklaruar se do të rrisë pagat e tyre me 7% në mbledhjen e qeverisë.
“Këtu ka një histori tjetër, të pagave të deklaruara pjesërisht. Kemi paga që nuk përkojnë me të vërtetën. Para se lidershipi i univeristetit të tiranë të ndryshonte kemi pasur 45 pedagogë që kisbhin akses te fondet europiane. Janë mbi 400 pedagogë sot që kanë financim ekstra, falë punës së tyre, falë faktit që nga ne e nisëm këtë fazë tjetër pas zgjedhjes së rektorëve të rinj, kemi bërë një kapërcim të madh. Mund të marrim akoma shumë më tepër. Por ishim të fundit në fund të pusit. Sot nuk jemi ndër të parët, por jemi duke hedhur hapa falë angazhimit të pedagogëve. Ne do bëjmë një rritje pagash të mërkurën prej 7%, por ama do ti njohim universitetit të drejtën të një tavani për të rritur më tej pagat”, tha Rama.
