Kryeministri Edi Rama nga Fieri tha se qytetarët nuk iu përgjigjën thirrjes së Sali Berishës, për të protestuar kundër mbylljes së TikTok.
Sipas tij, kur vjen puna tek shëndeti dhe siguria e fëmijëve, nuk ka të majtë dhe të djathtë.
Gjatë fjalës së tij me kandidatët e PS në këtë qytet, Rama u bëri thirrje qytetarëve që edhe më 11 maj të bëjmë të njëjtën gjë.
“Thirrjes së palës tjetër për të bërë protesta, nuk iu përgjigjën. Sepse kur vjen puna te interesi i drejtpërdrejtë i shëndetit dhe sigurisë së fëmijëve, aty nuk ka të majtë dhe të djathtë, nuk ka më pëlqen apo s’më pëlqen kush e ka këtë mendim, por thotë se ky është vendimi i duhur. E njëjta gjë duhet parasysh në 11 maj.
Ne nuk mund ta humbëm trenin. Çdo minutë është e rëndësishme. Kini parasysh që Serbia negocion prej vitit 2014, Mali i Zi negocion prej shumë vitesh, Maqedonia e Veriut ka qenë para nesh kandidate, ne negociojmë prej vitit të shkuar. Dhe bashkë me Malin e Zi, jemi në një kontratë me BE, për mbylljen e negociatave brenda vitit 2027. Është koha më e shkurtër dhe këtë e ka sjellë përputhja gjeopolitike e rrethanave tona me rrethanat e tyre. Ata dua që ne të bëhemi anëtarë të BE dhe të bëhemi tani. Në këtë ngut të tyre, është dhe ky sensi i urgjencës i krijuar nga situata gjeopolitike. Për të bërë këtë ama, duhet të bëjmë negocioatat, që janë detyra shumë të ngatërruara dhe shumë voluminoze”, tha Rama.
