Policia e Kukësit ka proceduar 13 persona pas protestave të ditës së djeshme gjatë vizitës së kryeministrit Edi Rama. Policia thotë se protesta u organizua nga Partia Demokratike e Kukësit dhe e Hasit në vendin e quajtur “Ura e Drinit të Zi”, por ata kanë penguar qarkullimin e automjeteve duke kundërshtuar edhe efektivët e policisë.
“Janë proceduar në gjendje të lirë 13 shtetas, të moshës nga 28 – 60 vjeç, nga Kukësi e Hasi. Procedimi ndaj tyre filloi pasi, kanë penguar qarkullimin e mjeteve të transportit, si dhe kanë kundërshtuar punonjësit e Policisë së Shtetit. Materialet për veprime të mëtejshme do t’i kalojnë Prokurorisë Pranë Gjykatës së Shkallës së Parë Kukës, për veprat penale “Kundërshtimi i punonjësit të rendit publik”, “Organizimi dhe pjesëmarrja në grumbullime e manifestime të paligjshme” dhe “Pengimi i qarkullimit të mjeteve të transportit”, njofton policia./Opinion.al
