Është shtuar numri i të shoqëruarve në polici pas protestës së djeshme të opozitës. Sipas raportimeve mediatike, numri i të shoqëruarve ka shkuar në 45, ndërsa nuk dihet ende se sa prej tyre janë arrestuar.
Menjëherë pas protestës së opozitës, mbrëmjen e djeshme policia nisi shoqërimet në komisariat. Deri mbrëmjen e djeshme numri i të shoqëruarve ishte 20. Ndërkohë ish-deputetë të PD shkruan në komisariat duke kërkuar lirimin e tyre. Në të njëjtën kohë, policia rrethoi Kryeministrinë dhe Kuvendin, për të mbledhur prova nga vendi i protesës.
Protesta e djeshme e opozitës, e nënta që nga shkurti, pati përplasje mes policisë dhe protestuesve, ndërsa pati edhe të plagosur nga të dyja palët./Opinion.al
