Pesë protestues të PD-së u ndaluan nga policia e kryeqytetit, pasi gjatë protestës së një dite më parë para Bashkisë së Tiranës bllokuan rrugën, penguan qarkullimin e lirë të qytetarëve si dhe prishën rendin dhe qetësinë publike.
“Më datë 17.01.2025, u referuan materialet në Prokurorinë pranë Gjykatës së Shkallës së Parë, të Juridiksionit të Përgjithshëm Tiranë, për shtetasit D.T, A.K, K.B, E.E dhe T.B, pasi tek Bashkia e Tiranës, këta shtetas në bashkëpunim me persona të tjerë ende të paidentifikuar, kanë zhvilluar një protestë të paligjshme duke bllokuar rrugën, penguar qarkullimin e lirë të qytetarëve si dhe duke prishur rendin dhe qetësinë publike”, informoi sot policia.
Materialet procedurale i kaluan Prokurorisë, për veprime të mëtejshme.
