Megjithëse ka kërkuar masa sigurie shtesë për jetën e deputetëve, Edi Rama nuk do të jetë të martën në Tiranë, ditë kur do të zhvillohet protesta e opozitës dhe seanca plenare.
Sipas mediave italiane, kryeministri do të jetë në Itali ku do të zhvillojë takime me gazetarë. Lajmin e ka bërë të ditur, miku i tij italian Vittorio Sgarbi. Sipas këtij të fundit në Shqipëri nuk ka krizë.
“Në Shqipëri ekziston një sfidë mes plakut (i cili vepron me arrogancë) dhe të resë që ka fytyrën e kryeministrit aktual Edi Rama. Nuk ka asnjë dyshim se qeveria e kryeministrit aktual Edi Rama shënoi një ndryshim rrënjësor në rritjen politike dhe ekonomike të Shqipërisë”, ka thënë Sgarbi./ Opinion.al
