Nesër në orën 17:30 opozita do të zhvillojë një protestë kombëtare para kryeministrisë. Protesta zhvillohet kundër qeverisë, të cilën opozita e cilëson si të përfshirë në afera korruptive.
Lidhur me aksionin e opozitë pasditen e së martës, edhe kryeministria ka marrë masat duke fortifikuar dyer kryesore të godinës.
Pak ditë më parë ish-kryeministri Sali Berisha ka postuar sloganin e protestës së 20 shkurtit. Ai i ka bërë thirrje shqiptarëve për mosbindje civile ndaj kryeministrit Edi Rama për dinjitetin e shqiptarëve.
Berisha e ka quajtur 20 shkurtin ditën e triumfit dhe dita kur sipas tij” monizmi i Ramës do të shkundet nga themelet”.
