Ambasada e Shteteve të Bashkuara të Amerikës në Tiranë ka reaguar në lidhje për protestën e opozitës që do të zhvillohet ditën e nesërme.
Përmes një njoftimi zyrtar, ambasada e SHBA, u ka bërë thirrje qytetarëve të saj, që të shmangin kalimet në vendin ku është parashikuar të mbahet protesta e opozitës.
Në reagimin e ambasadës thuhet se ende nuk është e qartë kohëzgjatja e protestës, teksa thekson se në tubimet paraardhëse forcat e sigurisë kanë përdorur ujë me presion dhe gaz lotsjellës.
“Pikat e mundshme të grumbullimit të protestuesve në Tiranë janë: Godina e Kryeministrisë, Godina e Parlamentit, godina të tjera qeveritare. Një demonstratë pritet të zhvillohet pranë godinës së Kryeministrisë më 13 prill, 2019, duke nisur nga ora 6 e pasdites. Grupi synon të protestojë kundër qeverisë shqiptare. Kohëzgjatja e demonstratës së pritshme është e panjohur. Forcat e sigurisë kanë përdorur ujë me presion dhe gaz lotsjellës gjatë protestave të fundit.
Personeli i Ambasadës amerikane dhe familjarët e tyre udhëzohen që të shmangin të gjitha pikat e mundshme të grumbullimit, ku zhvillohen apo pritet të zhvillohen demonstratat. Shmangni grumbullimet e mëdha dhe çdo zonë ku zhvillohen, apo mund të zhvillohen demonstrate. Tregoni kujdes për situatën përreth. Ndiqni informacionet e fundit të mediave vendase. Ruani profil të ulët”-thuhet në reagim./ Opinion. al. E.Xh.
