Naftëtarët e Fierit dhe të Ballshit, rreth 200 persona kanë vijuar një marshim të mërkurën drejt Tiranës në shenjë proteste për mosdhënien e pagave dhe sigurimeve shoqërore.
Ata zhvilluan paraditën e sotme edhe një protestë përballë Prefekturës së Fierit, duke bllokuar rrugën përballë institucionit.
Protesta është shoqëruar dhe me përplasje verbale mes naftëtarëve dhe kryetarit të sindikatës së naftëtarëve, Kamber Iliazi.
Punonjësit e uzinës së përpunimit të naftës kërkojnë pagat dhe sigurimet shoqërore.
“1200 punëtorë kanë mbetur në mes të rrugës, kërkojmë lekët tona, nafta shkon në tregjet europiane dhe ne mbetemi pa bukë”,- thonë protestuesit.
