Kryetari i Partisë Demokratike, Lulzim Basha ka deklaruar se më 8 janar, ditën kur do të zhvillohet protesta thirrur nga Sali Berisha para selisë, do të qëndrojë në zyrën e tij.
I pyetur gjatë një emisioni televiziv se çfarë do të ndodhë nëse mbështetësit e Berishës hyjnë brenda ambienteve të PD-së, Basha përgjigjet se do të bëhet dallimi mes demokratëve të vërtetë dhe kriminelëve.
“Do të jem në zyrën time. Do të vazhdoj punën. E përditshmja do të ndodhë. Lëvizja për të shkatërruar PD-në vazhdon prej katër muajsh. Me siguri do të ketë një shfaqje të shëmtuar të Berisha. Nuk do të arrijë ta kthejë selinë në bunkerin e tij personal. Nëse përdoret dhunë, do të bëjnë dallim midis demokratëve dhe kriminelëve. Demokratët kurrë nuk kanë përdorur dhunë. Kriminelët nuk do ta mposhtin kurrë Partinë Demokratike”,-tha Basha./Opinion.al
