Policia e Tiranës ka shkatërruar një bazë prostitucioni që vepronte në hotelet në periferi të Tiranës. Janë kapur mbrëmjen e së dielës, 3 kliente që kryenin seks në grup me një prostitutë si dhe dy tutorë. Tre të tjerë janë shpallur në kërkim. Policia tha se u ka gjetur edhe kokainë, hashash dhe nje shumë parash, shkruan Opinion.al
Konkretisht, më 20 Mars (e diel) në orën 23:00 policia ka kryer aksion në një hotel në periferi të Tiranës pas informacioneve për këtë bazë prostitucioni.
Janë kapur në flagrancë dy tutorët, një femër dhe një mashkull;
M. Thanasi, 26 vjeçe, banuese në Tiranë dhe M. Çela, 38 vjeç, banues në Tiranë.
Po kështu janë arrestuar 3 klientet që u gjetën në hotel: D, Haka, 34 vjeç, banues në Tepelenë, R. Zhitoni, 39 vjeç, D. Sharra, 27 vjeç, banues në Tiranë. Ndërsa për moskallëzim krimi është arrestuar K. Zhilla, 26 vjeç, banues në Tiranë.
Po hetohet në gjendje të lirë, vajza me iniciale T. Gj., 27 vjeçe, banuese në Tiranë e cila shfrytëzohej për prostitutë.
Janë shpallur në kërkim shtetasit B. O., E.I., F. Sh.,për veprën penale të “Shfrytëzimit të Prostitucionit”.
Policia tha se është dokumentuar veprimtaria kriminale e shtetasve të mësipërm, të cilët në kohë dhe vende të ndryshme në qytetin e Tiranë kanë shfrytëzuar, ndërmjetësuar dhe marrë pagesa për prostitucion në vlerën që varionin nga 50-100 euro.
Personat e dyshuar si organizatorët e këtij aktiviteti më konkretisht M. Thanasi dhe M. Çela kanë ndërmjetësuar për të ushtruar prostitucion tek shtetësja T. Gj. Këta persona të dielën janë kapur në flagrancë në ambientet e një hoteli në periferi të Tiranës duke ushtruar prostitucion në grup, me klientët R. Z., D. K., dhe K. Zh.
Policia u ka gjetur 2 doza kokainë,sende për përdorim narkotikësh, një dozë “Cannabis Sattiva” si dhe prova të tjera që i shërbejnë hetimit.
Po kështu janë sekuestruar 1 automjet tip “Hyundai” 4 aparate telefonik dhe 2 milionë lekë (të vjetra).
Materialet i kaluan Prokurorisë pranë Gjykatës së Shkallës së Parë Tiranë për veprat penale të “Trafikimit të personave të rritur” dhe “Shfrytëzimit të prostitucionit”, parashikuar nga Neni 110/a dhe 114 të Kodit Penal. /Opinion.al
*Video e nderhyrjes se policise ne hotel
