11 urdhër-arreste janë lëshuar gjatë një aksioni në Tiranë për të goditur shfrytëzimin e prostitucionit me vajza të huaja.
Klan News, raporton se urdhër-arrest është lëshuar edhe për një kolumbiane, e cila ishte tutore, por që nuk është arrestuar pasi ndodhet në Kolumbi. E përfshirë në aktivitetin e paligjshëm është edhe një punonjëse policie e Komisariatit Nr.4 në kryeqytet.
11 urdhër-arreste, mes të cilëve një grua kolumbiane, e cila është shpallur në kërkim, pasi aktualisht gjendet në Kolumbi. Në mesin e të arrestuarve është edhe një oficere nënkomisare e Komisariatit nr. 4 në Tiranë.
Në Shqipëri, kolumbiania kishte kontakte me nje taksist, i cili kishte rolin e tutorit me vajzat që prostituonin.
Ai dërgonte paratë në Kolumbi organizatores përmes kriptomonedhave (në Bitcoin) dhe transfertave përmes Western Union.
Në Tiranë, vajzat e huaja që prostituonin mbërrinin nga Kolumbia dhe priteshin në Rinas. Më pas akomodoheshin kryesisht nëpër apartamente me qira ditore.
Çmimet që paguheshin nga klientët ishin relativisht të larta, dhe varionin nga 200 deri në 250 Euro.
