Presidenti Venezuelas, Nicolas Maduro u ka bërë thirrje grave që të mos përdorin tharëse flokësh, por u ka ofruar atyre alternativa të tjera, derisa kriza e energjisë elektrike në vend vazhdon.
“Gjithmonë kam menduar se një grua duket më e këndshme kur i kreh flokët me gishtat e saj dhe i lë të thahen në mënyrë natyrale”.
Kjo deklaratë mund të duket e zakonshme kur e thotë një mashkull që pyetet si do ta dëshironte femrën e ëndrrave të tij, por kur e thotë një President, merr një tjetër vlerë.
Këtë deklaratë e ka bërë presidenti i Venezuelës Nicolas Maduro, i cili, i bëri thirrje femrave në vendin e tij, me gjysmë shaka, që të përdorin më pak tharëset e flokëve dhe t’i lënë ato të thahen vetë.
Kjo bëhet në kuadër të kursimit të energjisë. Një tjetër propozim i Maduros, ishte edhe bërja e fundjavës 3 ditë, nga dy që është.
Venezuela, e cila siguron 70% të rrymës nga hidrocentralet, po përballet me një krizë elektrike, shkaktuar pjesërisht nga fenomeni El Niño.
Thatësira ka bërë që të shënohet niveli më i ulët historik në hidrocentralet e vendit.
