Gëzim Kajno i njohur në Durrës si biznesmen i fuqishëm ka treguar se si e vrau në lokalin e tij Asllan Kërtushën.
Ishte jashtë kontrollit dhe doja ta ndaloja, nuk doja ta vrisja. Kështu pronari i disa lokaleve në Durrës, Gëzim Kajno dëshmoi se si vrau Asllan Kërtushën.
Ai u tha hetuesve se Kërtusha i dehur po thyente tavolina e karrige dhe po fyente klientët në një prej lokaleve të tij pranë ujësjellësit.
Për ta ndaluar kushërinjtë Kajno u përpoqën ta nxirrnin me forcë. Jashtë ambjenteve të barit Gëzim Kajno tregoi se e qëlloi me qytë të pistoletës, por ajo bëri shkrepje të pavullnetshme dhe u plagos në krah kushëriri i tij Bledari Kajno.
Por pati edhe një shkrepje tjetër të pistoletës, për të cilën autori thotë se nuk di se si ndodhi. Kjo ishte shkrepja që i mori jetën Kërtushës i njohur në ambjente si person agresiv dhe shumë i rrezikshëm nën efektin e alkoolit.
Më parë Asllan Kërtusha ishte i skeduar për vepra penale të ndryshme, kryesisht në fushën e lëndëve narkotike, kundërshtim i Punonjësit të Policisë, konflikte në lokalet e natës si edhe me lidhje shoqërore me persona me preçedentë penalë.
